Kinarawat sin printers an 6 nga Dep’Ed School districts ngan 12 nga public schools dinhi sa Catarman tikang sa munisipyo. Personal nga ginduhal ni Mayor Jun Rosales an tag 1 set sin printers ngan inks sa mga district supervisors, principals ngan school heads durante sa simple nga turnover ceremonies san linabay nga Sabado Oktubre 10, sa Catarman Municipal Covered Court.Disi-nuybe (19) nga brand new professional laser quality, multifunction printers an nakarawat san school districts ngan mga eskwelahan. Upod sa kada printer an 10 nga cartridge sin Optimum toners.An masunod nga school districts ngan eskwelehan an nakatagamtan san brand new printers with 1 set toners tikang sa munisipyo:1. CATARMAN I DISTRICT OFFICE – sa pamumuno ni District Supervisor Pablo Eufracio; Upod an nasakupan sini nga Catarman I Central School ngan Galutan National Highschool. Ginkarawat an printers nira Supervisor Eufracio, Mrs. Jane Caro ngan Teresita Marino.2. CATARMAN II DISTRICT OFFICE upod an Catarman II Central School ngan Washington National high School.Ginkarawat an printers nira District Supervisor Marlo Longcop, Mrs. Velfa Villanueva ngan Mrs Lita Camposano.3. CATARMAN III DISTRICT OFFICE, Catarman National High School, ngan Generoso R. Frigillana Memorial Schools.Kinarawat an printers nira District Supervisor Mercedes Molines ngan Mrs. Valentina Equiran. Duha (2) an printers nga ginhatag sa CNHS.4. CATARMAN IV DISTRICT OFFICE, Cawayan Integrated Schools san High School ngan Elementary Dept. Ginkarawat an printers nira District Supervisor Francisco Botaire, school heads Justiniano Ongsotto ngan Noel Dolorzo.5. CATARMAN V DISTRICT OFFICE, ug nasasakupan nga eskwelahan san Rosario Lim Uy National High School ngan Cervantes Elementary School. Ginkarawat an printers nira Supervisor Mayjane Aguirre, Dr. Roehl Lacbanes ngan Ginalyn De Guia.Ngan an6. CATARMAN VI DISTRICT OFFICE, upod an mga nasasakupan sini nga Polangi National High School ngan Polangi Elementary School. Ginkarawat an printers ni Supervisor Arnio Saludario upod an school heads nga sira Ms Rita Doroga ngan Robert Rivera.An pagdonar san printers in sayo nga pagtuman san local government unit san Catarman sa ungara san mga eskwelahan dinhi sa bungto para magamit sa paghimo sin modules sa distance learning san kabataan sa ilarum san COVID-19 pandemic. Sagot na san munisipyo an pagpaupay sa printers kun magkaproblema man unina nga panahon.Gin-hangyo naman ni Mayor Jun Rosales sa mga supervisor ngan school heads nga atamanon sin maupay an printers agud mapulsan ini sin maiha-iha pa nga panahon.